O, piano və sintezatorda bir-birindən gözəl musiqilər ifa etməyi bacarır.
Bariton səsi olmamasına rəğmən arada “ağır mahnılar” da oxumağa cəhdlər edir.
Ara sıra estrada və pop musiqilərinə də baş vurur.
10-15 il əvvəl azərbaycanlı müğənnilərdən birinin oxuduğu mahnını ifa etmişdi.
Hətta türkmən qavalında yaşı ritm vurmağı da var.
Onews.az-ın “Araşdırma Redaksiyası” Türkmənistanın keçmiş prezidenti Qurbanqulu Berdimuhammədovun diqqətçəkən hobbilərini araşdırıb. Əməkdaşımızın araşdırmasını təqdim edirik.
Söhbət Türkmənistanın keçmiş prezidenti Qurbanqulu Berdimuhammedovdan gedir.
Hazırsa Ali Xalq Məclisinin (parlament) sədri olsa da, işdən yorulanda yenə də musiqiyə üz tutur.
Onun evində bir çox qədim və müasir musiqi alətlərinin olduğu bildirilir.
Musiqiçi president bir neçə il öncə hökumətdə təmsil olunan məmurların nəvələri üçün konsert də verir.
O, azyaşlılar üçün təşkil edilən Yeni il şənliyində müəllifi olduğu mahnıları ifa edir.
Berdimuhammedov həmçinin nəvələri ilə birgə Castin Timberleykin mahnısını da oxuyaraq gündəmə gəlir.
Dövlət başçısı həm də gitarada ifa etmək qabiliyyətinə görə seçilir.
Türkmənistanda qısa müddətdə məşhurlaşan bir bəstənin müəllifi məhz ölkə rəhbəridir.
Söhbət “İrəli, irəli, yalnız irəli, sevimli vətən Türkmənistan!” mahnısından gedir.
Bir dəfə həmin mahnını eyni anda 4 166 insan səsləndirir.
Bu faktor Berdimuhammedovun mahnısını Ginnesin Rekordlar Kitabına düşməsinə şərait yaradır.
Qurbanqulu müəllim azərbaycanlı müğənni Rəqsanə İsmayılovanın repertuarına da müraciət edir.
O, Rəqsanənin “Bivəfa” mahnısını səsləndirir.
Eyni zamanda sintezatorda ifa edir.
Türkmənbaşının bu videosu təkcə ölkəsində deyil, Azərbaycanda da qısa müddətdə məşhurlaşır.
Türkmənistan rəhbəri hətta bir dəfə ölkənin ünlü ruhaniləri üçün konsert də verir.
Ağsaqqal ruhani babalar isə prezidentin ifasına alqış sədaları ilə qarşılıq verirlər.
Berdimuhammedovun “DJ”-lik məharəti də mövcuddur.
O, ağır dövlət işlərindən vaxt tapan kimi ölkənin nəğməli ulduzlarını başına toplayır.
Türkmənistanın bir nömərli adamının arada rep deməyi də var.
Prezident onların ifalarına “DJ”-lik edərək türkmən qardaşlarımızın həyatını şənləndirməklə məşğuldur.
Turan