"Fransa öz qoşunlarını Ermənistan vasitəsilə Cənubi Qafqaza yetirsə və burada möhkəmlənməyə cəhd göstərsə, regionda yeni müharibə qaçılmaz olacaq".

Bunu Onews.az-a açıqlamasında siyasi şərhçi Tural Turan deyib.

Ekspertin sözlərinə görə, Fransanın bölgəyə hərbi güc xətti ilə gəlişi təkcə Azərbaycanın deyil, Türkiyə və Rusiyanın da maraqlarına uyğun gəlmir:

"Ermənistan hakimiyyəti anlamalıdır ki, regiondakı proseslərin həlli "3+3" formatından kənarda həll edilə bilməz. İrəvan üçüncü ölkələri regiona sürükləməmlidir. Ankara və Moskva çox güman ki, bu məsələyə səssiz qalmayacaq. Ermənistan NATO-dan kömək istəyirsə, Türkiyə buradadır. KTMT-nin yardımına ehtiyac duyarsa, Rusiya çox da uzaqda deyil, Gümrüdədir. Əgər "təhlükəsizlik tədbiri" və ya "Azərbaycan təhlükəsi" adı altında İrəvan Parisdən yardım istəyirsə, bu Paşinyan hakimiyyətinin sonu olacaq. Eyni zamanda, qərb qonşumuzun bu addımı iki ölkə arasındakı sülh prosesinə də böyük təhdiddir"

Fuad Süleyman