"Ermənistanın sürətli şəkildə silahlandırılması heç bir məntiqə sığmır. Deməli, Fransa başda olmaqla Qərbdəki bəzi dairələr, eləcə də Yunanıstan, İran və Hindiatan İrəvanı revanş, qisas savaşına hazırlayırlar".

Bunu Onews.az-a keçmiş deputat, siyasi şərhçi Sona Əliyeva deyib.

Keçmiş deputatın fikrincə, revanşist qüvvələrin işğalçı ölkədə yenidən baş qaldırması Ermənistana baha başa gələcək:

"Artıq Ermənistanın yeni təxribatçı hərəkətlərinin işartıları görünür. Naxçıvan istiqamətində yeni uzun tunellərin qazıldığı ilə bağlı mediada məlumatlar yayıldı. Laçınla üzbəüz mövqelərdən atəşkəsi pozub Azərbaycanın nəbzini, reaksiyasını yoxlayırlar. Düşünürəm ki, Bakı İrəvanın bu cür təxribatçı addımlarına cavabsız qalmayacaq. Biz savaş istəmirik, sülhün yanındayıq. Ancaq sülh istəyimizə qarşı hər hansı bir təhlükə görsək, onu yerindəcə neytrallaşdırmağa məcbur olacağıq".

Fuad