"Avropa Şurasının qeyri-rəsmi görüşündə Avropa liderləri Gürcüstandakı seçkilərdən sonrakı vəziyyəti müzakirə edəcəklər".

Onews.az xəbər verir ki, bu barədə Avropa İttifaqı Şurasının prezidenti Şarl Mişel Aİ liderlərinə göndərdiyi dəvət məktubunda qeyd edib.

O həmçinin qeyd edib ki, görüş zamanı Gürcüstanla gələcək planlar da müzakirə olunacaq.

Bildirilir ki, Avropa Şurasının sabah, noyabrın 8-də Budapeştdə keçiriləcək qeyri-rəsmi toplantısında liderlər transatlantik əlaqələrdən, BMT-yə dəstəkdən danışacaqlar.

Bundan başqa, Budapeştdə Gürcüstan da daxil olmaqla 47 dövlətin iştirak edəcəyi Avropa siyasi birliyinin sammiti keçiriləcək.

Avropa siyasi birliyinin sammitində dövlət və hökumət başçıları Avropanın təhlükəsizlik problemlərini, Rusiyanın Ukraynaya qarşı aqressiv müharibəsini, Yaxın Şərqdəki hazırkı eskalasiyanı, qeyri-qanuni miqrasiya və qlobal ticarəti müzakirə edəcəklər.

Turan