Bu məmləkət Avropanın quzeyində yerləşir. Ərazisinə görə, Skandinaviyanın ən kiçik dövlətidir. Ölkədə cəmi 6 milyon əhali yaşayır. Paytaxtı Kopenhagen olduqca rəngli şəhərdir.

Onews.az[/b] xəbər verir ki, söhbət “soyuq günəşli” diyar sayılan Danimarkadan gedir.
İnsanları olduqca nəşəlidir. Yolları olduqca təmizdir. Küçələrdə avtomobillərdən daha çox velosipedləri görə bilərsiniz. Burada əyləncə mərkəzlərindən daha çox gecə klubları mövcuddur.

Amma Danimarkada qiymətlər olduqca bahalıdır. Çünki həyat səviyyəsi də yüksəkdir.

Burada bir ev kirayələmək üçün 5 min dollar depozit verməlisiniz. Danilər mühacirlərə qarşı istiqanlı deyillər. Ölkədə qatar nəqliyyatı olduqca inkişaf edib.
Sürət qatarlları sizi bir şəhərdən başqa birinə cəmi 15 dəqiqəyə çatdırır. Ona görə ki, ölkənin ərazisi düşündüyünüzdən də kiçikdir...

Paytaxtdan kənardakı şəhərlər isə olduqca sakit və hüzurludur.

Siz Danimarkada yaşıllıqların və qarşlı dağların necə çuğlaşdığını görəcəksiniz. Göy otların əhatəsində səssizliyin rəqsini seyr edəcəksiniz. İlin çox hissəsi qar və yağışın ağuşunda keçir.

Özünəxas skandinav memarlığı sizi burada öz sehrinə salacaq. İnsan sayı az olduğuna görə ictimai məkanları boş görə bilərsiniz. Ölkənin əsas şəhərində günün ən pik saatlarında belə alış-veriş mərkəzləri səssizliyə bürünür.
Burada yeniyetmələr və məktəbilər yarımştat işlərdə işləyərək pul qazanırlar. Eyni zamanda, təhsilə də vaxt ayırırlar. Gənc ikən bol-bol səyahət etdikdən sonra universitetə hazırlaşırlar. Danimarkada universitet oxumaq istəyənlərə dövlət ayda 840 dollar təqaüd ödəyir. Üstəlik, təqaüd qarşılıqsızdır.

Həftədə cəmi 1-2 gün məcburi dərslər mövcuddur. Əlavə dərs vaxtı almaq isə könüllüdür. Texniki ixtisasa yiyələnsəniz, aylıq maaşınız 7-8 min dollardan çox olacaq. Buradakı təhsil ocaqlarında kofe və çay pulsuzdur. Ölkədə tibbi sığorta sahəsi ən yüksək səviyyədədir. Tibbi xidmət pulsuzdur.
Turan