Bu şəhər əsrarəngiz mədəniyyəti və təmizliyi ilə turistlərə gəl-gəl deyir.

And dağlarının ətəklərində gözəllik ilahələrinə and içərək sizə salam göndərir...

Amma gediş-gəlişə görə turistlərin seçim etmək istəmədiyi nöqtələrdəndir.

Çünki Latın Amerikasından başqa digər ölkələrə xeyli uzaqda yerləşir.
Şəhərin qısaldılmış adı “Estiqo”dur.

Onews.az xəbər verir ki, söhbət Çilinin paytaxtı Santyaqodan gedir.

Şəhərdə ispan mədəniyyəti at oynadır.
Əsasən də mərkəzi küçələrdə iki-üç əsr əvvəlki ispan memarlığını görmək mümkündür.
Santyaqonun küçələri olduqca geniş və təmizdir.

Əsas mərkəzi küçələr avtomobillərin üzünə qapalıdır.
Həmin küçələr turistlərin səs-küydən uzaq istirahətləri üçün nəzərdə tutulur.
Şəhərin ürəyi isə Plaza de Armasda döyünür.

Burada bahalı otellər, su hovuzları, göydələnlər və qədim binalar bir-birinin ağuşuna qısılır.
Köhnə şəhərdə 15-20 mərtəbəli yeni villalar da görə bilərsiniz.
Santyaqo striptiz klublarının, barların çox olduğu şəhərdir.

İnsanlar mağazalarının önündə dayanaraq sizi alış-verişə dəvət edə bilərlər.
Hətta qolunuzdan tutub zorla sizi mağazanın içərisinə salmaları da mümkündür.

Bu, onların simpatiya bəslədikləri şəxslərə etdikləri hərəkətdir.
Santyaqolular olduqca istiqanlı və qonaqpərvərdirlər.


Şəhərin mərkəzi meydanında sizi at belindəki Pedro de Valdiviyanın heykəli qarşılayacaq.
Bu şəxs cəmi 150 nəfərlə Santyaqoya gələn və şəhərin əsasını qoyan bir ispan sərkərdəsidir.

Heykəlin arxasındakı bina evi, önündəki tikili isə onun inşa etdirdiyi xəstəxanadır.

İndi həmin binalar xüsusi memarlıq abidəsi kimi YUNESKO tərəfindən qorunur.

Üstəlik, bu binalar hazırda muzey kimi fəaliyyət göstərir.

Paytaxtın yerli qəbiləsi isə özlərini mapuşas adlandırılır.
Həmin nöqtəyə turistlərin giriş və çıxışı qadağandır.

Çünki bu, qəbilə başçılarının Çili hökumətindən tələbidir.
Onlar dünyaya qapalı bir həyat tərzi sürməkdədirlər.

Santyaqo həm də zəlzələlər şəhəridir.

6-7 ballıq yeraltı təkanlar burada adi titrəyiş kimi qəbul olunur.

Hər 20-30 ildən bir 9-10 ballıq zəlzələlər Santyaqonu silkələməyi bacarır.

Santyaqo həm də vulkanlar və sunamilər şəhəri kimi tanınır.

Tural Turan