Bu diyar möhtəşəm mənzərələrin qucağında yerləşir. Gözəllikləri ilə göz qamaşdıran gözəl xanımları da ağuşuna alır. Mavi plajları ilə göy üzünə salam göndərir. Sıx və yamyaşıl meşələri ilə turistlərə ilin on iki ayı salam yollayır.

Onews.az-ın “Araşdırma Redaksiyası”na inansaq, söhbət “ucuz tətil cənnəti” olaraq tanınan Kosta-Rikadan gedir.
Respublikanın şimal və cənub sərhədlərində mükəmməl sahil şəridləri mövcuddur. Dövlət iqtisadiyyatının 55 faizini kənd təsərrüfatı məhsulları ödəyir. Kosta-Rika qəhvə, şəkər qamışı və bananın vətəni sayılır.

Mərkəzi Amerikada bu məhsulları ən çox ixrac edən ölkədir.
Bu günəşli məmləkətin qonşuları Nikaraqua və Panamadır. Ən inkişaf etmiş şəhəri isə paytaxt San-Xosedir. Burada tropikal iqlim hakimdir. Yəni, ilboyu havalar 20-25 dərəcə arasında dəyişir. Elə illik orta temperatur da 25 dərəcədən çox deyil. Dekabrdan aprelə qədər buraya yağış demək olar ki, yağış yağmır. Qəhvə qoxulu ölkədə turizmin ən qaynar çağı da elə bu zamanlardır.
Dövlətin rəsmi dili ispancadır. Bu da təsadüfi deyil, ölkə uzun illər ispan müstəmləkəçiliyindən əziyyət çəkir. 300 illik ispan hakimiyyətinə 1821-ci ildə son qoyulur.
Dövlət öz müstəqilliyini qazanır. Amma bu vaxta qədər ölkənin müstəqil ordusu yoxdur.
Onların təhlükəsizliyinə ABŞ cavabdehdir.

Kosta-rikalılar dünyanın 13-cü ən xoşbəxt xalqıdır. Burada 4 aborigen qəbilə öz adətlərini hələ də qorumaqdadır. Onlar sivilizasiyadan uzaq, meşələrin içərisində sakit həyat sürürlər.

Kosta-Rika dövləti qumarxana və fahişəxanalara “yaşıl işıq” yandırır.
Yəni, hər iki sektor ölkədə qanun çərçivəsində fəaliyyət göstərir.

Bunun da səbəbi var. Qumarxana və fahişəxanalar ölkəyə varlı turistlərin gəlməsinə səbəb olur.

Mərkəzi Amerikanın bu sakit ölkəsində içkili halda maşın sürmək də mümkündür. Çünki qanun buna icazə verir.
Əgər qaydanı pozmamısınızsa, içki içdiyinizə görə, polis sizə yaxınlaşmayacaq.

Turan