Bu ilin sentyabrından etibarən Bakı Metropoliteninin bütün stansiyalarında təhlükəsizlik tədbirləri gücləndiriləcək.

Bu barədə Onews.az-a etibarlı mənbələrdən məlumat daxil olub.

Daxil olan məlumata görə, metro marşrutlarından istifadə edəcək bütün şəxslərin təkcə əl çantaları yox, həm də üst-başı yoxlanılacaq.

Bundan başqa, metro stansiyalarının giriş və çıxışlarında hüquq-mühafizə orqanları əməkdaşlarının sayı artırılacaq.

Mənbəmizin bildirdiyinə görə, buna səbəb noyabrda ölkəmizdə “COP-29” tədbirlərinin keçirilməsidir.

Təhlükəsizliyin gücləndirilməsi də elə bu səbəbdəndir.

Qeyd edək ki, hər il fərqli bir ölkənin ev sahibliyi etdiyi 29-cu "Tərəflərin Konfransı (COP)" noyabrın 11-dən 22-dək Bakıda keçiriləcək.

Türkay