O, 15 dekabr 1871-ci ildə doğulmuşdu.

Onews.az xəbər verir ki, söhbət Azərbaycan Xalq Cümhuriyyətinin ilk və son Şeyxülislamı Ağa Cavad oğlu Əlizadədən gedir.

Ağa Əlizadə həm də Qafqaz müsəlmanlarının səkkizinci şeyxülislamıdır.
O, 22 oktyabr 1871-ci ildə Bakının Pirşağı kəndində dünyaya gözlərini açır.

Uşaqlığı atasının kitab rəfləri arasında keçir.

Bağdad Universitetinin ilahiyyat fakultəsini bitirdikdən sonra Nəcəfə yollanır.
Ağa Əlizadə Nəcəfdəki Ali Dini Universitetə oxumağa gedir.

Daha sonra "Axund" rütbəsi qazanan Ağa Əlizadə doğma vətəninə qayıdır.
İçərişəhər məhəllə məscidlərindən birinə təyinat alır.

1907-ci ilin yayında Ağa Əlizadə Bakıda "Səadət" Müsəlman Ruhani Cəmiyyəti yaradır və onun sədri seçilir.
Cümhuriyyətimiz qurulduqdan sonra – 1918-ci ildə Dini etiqad və sosial təminat naziri Musa Rəfibəyovun əmri ilə Axund Ağa Əlizadə Şeyxülislam təyin edilir.

Axund Ağa Əlizadə 1920-ci ilin mayın 12-nə kimi Şeyxülislam vəzifəsində çalışır.

1943-cü ildə SSRİ Ali Soveti Rəyasət Heyətinin qərarı ilə fəaliyyətinə 1920-ci ildə xitam verilmiş Qafqaz Müsəlmanları Ruhani İdarəsi bərpa olunur.
Bu zaman Ağa Əlizadənin İdarənin sədri seçilməsi üçün namizədliyi irəli sürülür.

1944-cü il mayın 28-də keçirilmiş səsvermə zamanı Axund Ağa Əlizadə yenidən Qafqaz Şeyxülislamı seçilir.
Ağa Əlizadə 1954-cü ilin dekabrında, 84 yaşında Bakıda dünyasını dəyişir.

Banu Murad