Bu məmləkət 2018-ci ilədək Svazilend Krallığı adlanırdı.
Əslində bura Afrikanın cənubunda Mozambik və CAR-ın arasında uzunluğu 200, eni isə 130 kilometr olan kiçik bir ölkədir.
Eyni zamanda, Afrikanın son mütləq monarxiyasıdır.

Onews.az-ın araşdırmalarına görə, paytaxtı rəsmən Mbabane olsa da, kralın sarayı və ondan asılı olan parlament Lobamba şəhərində yerləşir.
Kral III Msvati 19 aprel 2018-ci ildə dövlətin adını Svazilend Krallığından Esvatini Krallığına dəyişir.
Kralın açıqlamalarına görə, bu dəyişikliyin səbəbi ölkəninin "İsveçrə" ilə qarışdırılmasıymış…

Ölkənin adı olan Esvatini (keçmişdə Svazilend), svazilərin yaşadığı ölkə mənasını daşımaqdadır.
Müstəqilliyinə qovuşmazdan əvvəl fikirləşilən ilk ad olan “Ngvane” adıdır.
Bu isim isə Esvatininin ilk kralı kimi qəbul edilən III Ngvanedən gəlir.



XVIII əsrdə yaşayan və 1780-ci ildə qədər hökmdarlıq etmiş III Ngwane hökmdarlığı altındakı bölgələrə “kangvane” adını vermişdi.
“Ngvanenin sahib olduğu ölkə” mənasını verən bu ifadəni əsas götürərək verilməsi planlaşdırılan ölkə adı daha sonra rəsmi müstəvidə reallaşdırılmamışdı.

Hazırda da Esvatinidə bir çox adam öz millətini bildirmək üçün “ngvane” adından istifadə edir.
Ölkə əhalisinin 90%-i özünü Bantu etnik qrupunun cənub qrupu üzvü olan Svazi etnik qrupuna üzv hesab edir.
Bu xalq nguni birliyinin bir alt qoludur.

Krallıqda svazilərdən başqa ölkədə çox az da olsa soto, zulu, tsonqa etnik qrupuna daxil üzvlər ömür sürür.
Krallıqda “ağlar” və qaradərili əhali sülh içərisində yaşamaqdadır.

Esvatini krallığının əhalisi yaş etibarı ilə olduqca gəncdir.
2016-cı ilin təxmini məlumatlarına görə krallıq əhalisinin 57,69%-i 0–24 yaş aralığındadır.
Ölkənin yalnız 3,9% əhalisinin yaşı 65 yaşdan yuxarıdır.

Əhalinin illik artım nisbəti 2016-cı ilin təxmini məlumatlarına görə 1,1% səviyyəsindədir.
Ölkə daxilində hakim olan din xristian dinidir.
Əhalinin 40% -i protestant, xristianlıq və Afrika yerli dinlərinin qarışığı ilə meydana gələn Afrika Sionizm inanclarına etiqad edirlər.

Çoxpartiyalı sistem mövcud olsa da, siyasi partiyalar leqal fəaliyyət göstərə bilmir.
Krala qarşı müxalif fikir söyləyənlərə qarşı sərt cəza tədbirləri gerçəkləşdirilir.


Qeyri-rəsmi paytaxtda, yəni Lobambada Libandla olaraq adlandırılan parlament binası yerləşir.
Ölkədəki mütləq güc kralın əlində olub, məhkəmə, icra və qanunvericilik onun sərəncamindadır.
Kral diplomatik toxunulmazlığa malikdir.

Esvatini Krallığı Birləşmiş Millətlər Təşkilatı, Millətlər Birliyi və Afrika İttifaqı birliyinin üzvüdür.
Esvatini dünyanın ən yoxsul ölkələrindən biri sayılır.
Ölkə əhalisinin çox hissəsinin gündəlik qazancı bir avrodan azdır.

Ölkə əhalisinin 60%-i şəxsi istifadə üçün kənd təsərrüfatı məhsulları əkirlər.
Əkilən məhsulların əksəriyyətini şəkər qamışı, qarğıdalı, darı, düyü, sitrus, pambıq və fıstıq təşkil edir.
Əhalinin qəribə adətləri də var.

Məsələn, burada toy gecəsi gəlinin yanına ilk olaraq qaynatası və ya onu əvəz edən şəxs girməlidir.
Bu zaman bəy qız evində “girov” saxlanılır.

Əgər gəlin gərdəkdən “alnıaçıq” çıxarsa, o zaman bəy də qaynata “girovluğundan” azad olunur.

Tural Turan