Birləşmiş Ştatların Kaliforniya ştatının Malibu bölgəsindəki meşə yanğınları nəticəsində külə dönən evlərdən biri də türkiyəli məşhur cütlüyə məxsusdur.

Onews.az xəbər verir ki, söhbət məşhur aktrisa Beren Saat və ünlü sənətçi Kenan Doğuludan gedir.

Aktrisa Beren Saat və müğənni Kənan Doğulunun Los-Ancelesdə 1 milyon 200 min dollara aldıqları evin yanğında külə döndüyü bildirilir.

Hadisələri Türkiyədən izləyən cütlük Los-Ancelesdəki yanğınlar söndürüldükdən sonra ABŞ-a yollanacaq.

Cütlük külə dönən evlərinə dəyən ziyanın təsbitini aparacaq və dəyişmiş ziyanla bağlı protokola imza atacaq.

Qeyd edək ki, Saat və Doğulu 2014-cü ildə aldıqları evdə 3 il yaşadıqdan sonra Türkiyəyə dönmüşdülər.

Fuad Süleyman