Azərbaycan ədəbiyyat məkanında yeni bir kitab işıq üzü gördü. Pənahəli xanın nəslindən gələn, ictimai fəaliyyətləri ilə tanınan Tural İbrahimov özünün ilk kitabı – “İZ” ilə oxucular qarşısına çıxır.

“İZ” müəllifin şəxsi həyat təcrübəsi, müşahidələri və duyğularından yoğrulmuş bir topludur.

Kitabda həm tarixi yaddaş, həm ailə dəyərləri, həm də insanın daxili səyahəti əks olunub. Tural İbrahimov “İZ” vasitəsilə oxucuya yalnız öz yolunu deyil, həm də bir xalqın yaddaşında qalan izləri göstərmək niyyətindədir.

Müəllifin sözlərinə görə:

“Bu kitabı yazmaqda məqsədim nə yazıçı olmaq iddiası, nə də ədəbiyyatda xüsusi yer tutmaqdır. Mənim üçün ‘İZ’ – həyat yolumda, ailəmdə, tarixi köklərimdə gördüklərimin səmimi qeydləridir. İstədim ki, bunlar yaddaşlarda qalsın.”

Banu
Onews.az