Bu gün Azərbaycan yazıçısı, şairi, qələm adamı susur. Haqsızlığa - sosial? ictimai-mədəni mövzulardakı özbaşınalıqlara səsini çıxarmır.

Bəzən samballı sənətkarlarımız əqidəsini dostluğa, qonaqlığa, bir qarın çörəyə, işdən çıxmaq təhlükəsinə qurban verir.

Nəticədə haqsızlıqlar yağışdan sonra boy göstərən "göbələk şlyapaları" kimi boy-boya durur.

Məhz bunun nəticəsidir ki, ədəbi mühit bozlaşır, hətta rəngsizləşir.

Bu gün ədəbi mühitimiz bədəvi mühitə çevrilib. Bir azdan ölkədəki ədəbi proses bütünlüklə komaya düşəcək.

Tarix isə heç kimi və heç nəyi unutmur. Üstündən 80 il keçsə də hər "rəngi" öz xanəsinə qoyur.

Bir sözlə, bu gün Azərbaycan ədəbi mühiti sənətkarlıq çəkisizliyi sindromundan əziyyət çəkir, onun "karbon-monoksid vakumu"nda boğulur.

Ona görə də əlahəzrət oxucu öz kumirlərindən incik düşüb, onlardan uzaqlaşıb. Çünki bəzən yüksək sənət(karlıq) da oxucunu tam razı salmaqda aciz qalır...

Tural Turan
Onews.az