Gürcüstanın Marneuli şəhərində, Mesxelişvili küçəsində, 6 saylı dövlət məktəbinin yanında 7 yeni çoxmənzilli yaşayış binası inşa olunacaq.

Onews.az xəbər verir ki, bu barədə Marneuli bələdiyyə məclisinin iclasında müzakirə edilib.

Qeyd olunub ki, sözügedən ərazidə idman meydançası, istirahət zonası, dayanacaq və piyada yollarının salınması nəzərdə tutulur.

Mövcud məlumata əsasən, 2,5 hektar ərazidə salınacaq yeni yaşayış binalarını MMK Group MMC həyata keçirəcək. Onun təsisçisi və 100% sahibi Davit Muradaşvilidir.

Elgiz