Uşaqlarınızı qucaqlayın… Son dəfə olduğunu bilmədən. Öpün onların o qoxulu yanaqlarını, çünki bəlkə də bu gün son fürsətinizdir. Danlamayın, incitməyin onları...

Sevginizi əsirgəməyin, çünki sabah onları bir daha görməyə bilərsiniz.

Yollar qəddar ola bilər, zaman isə vicdansız… Bir səhər məktəbə yolladıqlarınız axşam geri dönməyə bilər. Əlləri oyuncaqdan, gözləri arzularından ayrıla bilər.

Sizi bezdirən sualları, dağıtdıqları oyuncaq qutuları, atdıqları nazlı addımları üçün darıxacaqsınız… Amma artıq çox gec olacaq. Qışqırmayın onlara, səsini, gülüşünü, hərarətini əbədi itirməzdən əvvəl bağrınıza basın. Çünki övladlarınızın hər nəfəsi sizə verilən ən böyük hədiyyədir.

Onları doyunca sevin, çünki bir gün yalnız xatirələriniz qalacaq…

Kamran Əsədov
Onews.az