Bura Avropanın ən böyük sahil zolağına malik ölkəsidir.

Sahil şəridinin uzunluğu 14 min kilometrdir.
Ölkə 100 ilə yaxındır ki, “turizmin incisi” hesab edilir.

Eyni zamanda, buranın 80 faizi dağlıq ərazilərdən ibarətdir.
Yerli əhali oradakı dağları “tanrıların evi” olaraq adlandırır.

Onews.az xəbər verir ki, söhbət “ellinlərin torpağı” adlandırılan Yunanıstandan gedir.

Bura uzunömürlülər ölkəsi kimi də ad çıxarıb.
Yunanlar uzunömürlü olmalarının sirrini zeytun yağından çox istifadə etmələri ilə əlaqələndirirlər.
Yunanıstan zeytun istehsalına görə dünyada 3-cüdür.

Onlar demək olar ki, yedikləri hər şeyə zeytun yağı əlavə edirlər.
Ölkədə 350 milyondan çox zeytun ağacının olduğu vurğulanır.
7 min illik tarixə malik Afina dünyanın ən qədim paytaxtı hesab olunur.

“Ellada” irili-xırdalı 6 min adadan ibarətdir.
Yunanıstanda bütün plajlar pulsuzdur.
Burada insanlar dənizə çılpaq girə bilərlər.

Yəni, dənizə çılpaq girmək qanun pozuntusu deyil.
Hətta bunun üçün yunan parlamenti qanun layihəsi də qəbul edib.
Amma otellərin qiyməti olduqca bahalıdır.

Yunanıstanda hər evdə, hətta hər döngədə gözmuncuqlarına rast gələ bilərsiniz.
Hətta inanclı insanların da yaxasında gözmuncuğu görmək mümkündür.

Tural Turan