"Ermənistanda keşiş özü belə bir plan hazırlaya bilməzdi. O ancaq yürüş başlayacağına qərar verə bilərdi, onu da etdi, sonrakı addımlarını kənardan aldığı təlimatlar əsasında həyata keçirməyə başlayıb".

Bunu Onews.az-a açıqlamasında politoloq Elxan Şahinoğlu Ermənistanda baş verən son hadisələrə münasibət bildirərkən söyləyib.

Politoloq hesab edir ki, planı tərtib edənlər Ermənistanda qanın tökülməsi ssenarisini yazıblar:

"Çünki baş nazir Nikol Paşinyanı devirmək üçün bütün digər addımlar işə yaramadı. Düşünürlər ki, qanın tökülməsi vətəndaş qarşıdurmasını gücləndirəcək və bu, Paşinyanın mövqelərini zəiflədəcək. Ancaq Nikol Paşinyan daxili və xarici qüvvələrin birgə hazırladıqları son planın mahiyyətini anladığından polisə radikalları “tut” əmrini verib".

Rauf