Oktyabrın 24-də BRICS sammiti çərçivəsində cənab prezident İlham Əliyev və Nikol Paşinyan arasında sayılı olan vasitəçisiz görüşlərdən biri baş tutub. Heç şübhəsiz ki, digər tərəflərin təşkilatçılıqı ilə baş tutan görüşlərə baxanda vasitəçisiz və planlaşdırılmamış keçirilən görüşlər daha məhsuldar olur.

Düşünürəm ki, məhz prezident İlham Əliyevlə baş-başa qalmaq Nikol Paşinyan üçün heçdə asan olmur. Qeyri formal keçirilən görüşdən ictimaiyyətə bəlli olan kadrlardan görmək olur ki, məhz görüşün adekvat və dominant tərəfi prezident İlham Əliyevdir. Bədən dili bunu anlamaqa əsas verir. Görünən odur ki, bu görüş bəzi erməni havadarlarında qıcıq yaradıb.
Havadarları dedik də təbii ki, ilk ağıla gələn Fransadır. Artıq Fransa tərəfinin belə çıxışlarına öyrəşmişik. Hətta onlar bu cür çıxışları rəsmi Paris tərəfindən etməkdəndə çəkinmirlər. Fransa işğal dövründə separatçılara himayədarlıq etməklə yanaşı erməni lobbisinin qanunsuz fəaliyyətlərinədə göz yumurdu. Cop 29 kimi nüfuzlu bir konfransın ölkəmizdə təşkil edilməsi son zamanlarda fransızları yeni olan ifrat kontekstdən çıxış etməyə sövq edir.

Belə ki, bəzi fransız deputatlar Azərbaycanı etnik təmizləmə etməkdə günahlandırır, hətta hal-hazırda Bakıda istintaq təcridxanasında olan separatçı liderlərini siyasi xadim adlandırırlar. Bununla qalmayıb hələ bizi ermənilərin Qarabağdakı mədəni irsini məhv etməklə günahlandırırlar. Elə bil ki, bir neçə ay əvvəl görkəmli Qarabağ şairəsi Xurşudbanu Natavanın heykəlinə vandalizmi onlar yox biz törətmişdik. Axı biz bütün beynəlxalq mediya qurumlarının gözü qarşısında qururuq Qarabağımızı həmdə heçbir dəstək almadan.

Niyə dünyaya özünü ədalət carçısı kimi göstərən Qərb ölkələri hələdə heç bir maddi təzminatdan danışmır. 30 ildir Azərbaycan hakimiyyəti bunu dünyaya hayqırmaqdan yoruldu, bundan sonra 30 ildə hayqırsaq heç bir önəmi olmayacaq.

Axı cənab prezident İlham Əliyev dəfələrlə qeyd edib ki, Qarabağdan köç edən ermənilər bizim vətəndaşlarımızdır. Sadəcə illər ərzində onların beyinləri yalançı erməni xülyası ilə doldurulub və yuyulub. Biz humanist xalq olaraq heçbir zaman erməni xalqını işğalla günahlandırmamışıq.

Baxmayaraq ki, Xocalı Soyqrımının təşkilatçıları hələdə Ermənistanda hakimiyyət üstündə mübarizə aparır. Hər mitingdə ətrafına on minlərlə adam toplayır. Bütün bu mənfilərə baxmayaraq son zamanlarda bucür vasitəçisiz görüşlərin keçirilməsi düşünürəm ki, hər iki tərəf üçün finala mərhələsinə daha tez çatmağa kömək edəcək. Biz Azərbaycan höküməti olaraq xoş məram olaraq hətta Nikol Paşinyanı Bakıya dəvət etmişik. Çağırmaq böyüklükdür gəlməmək kiçiklik.

Elgün Rüstəmlilər
Politoloq
Onews.az