Bura Asiyanın ən dindar ölkəsi sayılır.

Günəşli qitədə ən çox ibadətgahların yer aldığı ölkə də məhz buradır. Hətta bu ölkədə bəzi qəbilələr bakirə qızlara sitayiş edir.

Onews.az xəbər verir ki, söhbət coğrafi olaraq Çinlə Hindistanın arasında sıxışıb qalan Nepaldan gedir.

Bu dağlar ölkəsində 18 yaşına çatmamış qızlar ibadətgahlarda hökm sahibidirlər.
Məbədlərdə taxta oturdulurlar.

Nepallılar bakirə “tanrı”lara “kumari” deyirlər.
Ayaqlarının altına böyük “pul sandıqları” qoyulur.

İnsanlar arzularının gerçəkləşməsi üçün “bakirə tanrılara” pul bağışlayırlar.
Hətta pul verməyə imkanı olmayan kasıblar isə əkib-biçdiklərindən “tanrı”ya hədiyyə verməlidirlər.
Qırmızı örtüklərə bürünmüş bu məbədləri hər gün yüzlərlə nepallı ziyarət edir.

Ənənələrə görə, yalnız dini təlimləri uğurla başa vuran yeniyetmələr “tanrı” ola bilərlər.
Bu “tanriça”ların ziyarətçilərə gülümsəməsi, onlarla söhbət etməsi yasaqdır.

Nepalın yeniyetmə “tanrıları” ziyarətçilərin önündə ayaqlarını yerə basa bilməzlər.
Ziyarətlər zamanı “tanrı”ların hər iki ayağı mütləq “havadan asılı” olmalıdır.

Elə buna görə də bakirə “tanrılar” ailələri tərəfindən qucaqda danışır.
Onlara küçələrə çıxmaq da yasaqdır.

Ancaq dini festivallarda qucaqda daşınmaq şərti ilə bayıra çıxa bilərlər.
Bu bakirələr illər boyu məbəd sarayının içərisində qalmaq məcburiyyətindədirlər.

Əhali tərəfindən “tanrı” olaraq seçilən bu bakirə qızların üzləri və əzaları qüsursuz olmalıdır.
Bu qızlar yetkinlik çağına çatanda “tanriça” missiyaları da yekunlaşır.
Daha sonra onların yerinə bir başqa azyaşlı qız əyləşdirilir.

Tural Turan