Təxminən bir il öncə yazmışdım ki, yaxın 10 il ərzində İran bir dövlət olaraq dünya xəritəsindən silinəcək.

Düşünürəm ki, bu zaman kəsiyi son bir il ərzində İsrail və Qərb koalisiyası tərəfindən bir qədər də daraldılıb.
Bizi maraqlandıran əsas məsələ İranın süqutundan sonra Güney Azərbaycanın və Zəngəzurun taleyidir.

Zəngəzurun taleyi Rusiyanın, Güney Azərbaycanın açarı isə indiki mərhələdə İsrailin əlindədir.
İndi Bakı və Ankaradan sürətli proseslər fonunda atacağı bir addım qalır.

Türkiyə və Azərbaycan ittifaqı xarici siyasətdə bütün saatları eyni vaxta qurmalıdır.
Eyni koordinatlar istiqamətində "əks-hücum"a keçməlidir.
Mövqe uyğunsuzluğunu, umu-küsünü bir kənara qoymalıyıq.

Fələstinin, islam dünyasının müdafiəsi məsələsini bir kənara qoymalıyıq. Bu 22 dövlətdən ibarət Ərəb Liqasının problemidir.
Bizim əsas hədəfimiz Turan Birliyidir. Kartların yenidən dağıdıldığı, qozların yenidən bölüşdürüldüyü masada yeni qaydalara əsasən oyunumuzu qurmalıyıq.

Hələ ki, Yaxın Şərqdə baş verən hadisələr fonunda Bakı və Ankaranın gözləmə mövqeyi tutduğunu görürük.
Proseslərin axarı göstərir ki, bir az "diri oynamaq" lazımdır. Çünki oyun bizim səs dalğalarının yayımlandığı radiusda gedir.
Kimdənsə borca şahmat taxtası götürməyə də ehtiyac yoxdur.

İstedadlı oyunçunun gedişləri yuxusuna, şahmatı ayağına gələr. İndi tarixi fürsət də ayağımıza gəlib.
Maksimum yararlanmaq lazımdır. Əlimizdəki resurslar və imkanlar da bu gün üçün yetərlidir.

Tural Turan

Onews.az