Gürcüstanda müxalifət partiyalarının üzvləri və vətəndaş fəalları Çavçavadze prospektində çadırlar qurublar.

Onews.az xəbər verir ki, çadırlara qızdırıcılar və yorğan-döşək də gətirilib.

“Dəyişiklik Koalisiyası”nın liderlərindən olan Elene Xoştariya bildirib ki, mitinq iştirakçılarına gecələmək üçün su, yemək, istilik və bütün imkanlar yaradılacaq.

Hazırda Çavçavadze prospektində nəqliyyatın hərəkəti məhdudlaşdırılıb.

Mitinq iştirakçıları Tbilisi Dövlət Universitetinin yaxınlığında, Çavçavadze prospektində çadırlarda gecələməyi planlaşdırırlar.

“Birlik – Milli Hərəkat”ın liderlərindən olan Giorgi Vaşadze çıxışı zamanı bildirib ki, onlar növbəti 24 saat ərzində, sabah axşam saat 20:00-a qədər Çavçavadze prospektində olacaqlar.

“Birlik – Milli Hərəkat” partiyasının üzvü Xatiya Dekanoidze isə vətəndaşlara səslənərək, hər kəsi aksiyalara qoşulmağa dəvət edib.

Elgiz Məmməd