"Rusiya sürətlə Ukrayna cəbhəsində irəliləməyə başlayıb. Səbəbi olduqca sadədir, Kreml Trampın hakimiyyətə gəlişindən sonrakı dönəmdə reallaşması mümkün görünən sülh danışıqları prosesinə daha güclü şəkildə getməyi düşünür. Ona görə də son günlər Ukrayna cəbhəsinin bütün istiqamətində rusların aktivliyi müşahidə edilir".

Bunu Onews.az-a açıqlamasında siyasi şərhçi Sona Əliyeva deyib.

Ekspertin sözlərinə görə, hazırda Ukrayna tərəfinin səssiz görünməsinin də maraqlı və Rusiya üçün təhlükəli görünən səbəbləri ola bilər:

"Ukrayna tərəfi son iki həftədir ki, səssiz görünür. Kursk və Dombas istiqamətində rusların irəliləməsinin qarşısını ala bilmədilər. Hətta bəzi məntəqələrdən özləri çıxdılar. Bu səssizliyin arxasında heç də "yersiz itkilərdən yayınma" siyasəti dayanmır. Görünən odur ki, Ukrayna kəşfiyyatı və ordusu sülh danışıqları öncəsi Qərbin köməyi ilə Rusiyaya ağır zərbələr vurmağa hazırlaşır. Ola bilsin ki, Ukrayna tərəfi Belqorod istiqamətindən həmlələr edəcək. Bəlkə də Kursk istiqamətində yeni hücumlala rusları bir xeyli geri atmağı düşünürlər. Sülh sazişində ərazi mübadiləsi baxımından ukraynalıların əlində o qədər də çox seçim yoxdur. Artıq Bayden dönəmi bitib və Kiyev meydanda demək olar ki, tək qalmaq üzrədir. Çünki Avropa Ukrayna məsələsində o qədər də yekdil fikirdə deyil. Bir xeyli parçalanma var".

Rauf