İndiki halda Britaniya kəşfiyyatının "Azərbaycan-Ermənistan sərhədindəki təhlükə anonsu"nun əsas tərəfi təbii ki, İrəvandır. Yeni savaş anonsuunu Ermənistan Laçında və Naxçıvanda atəşkəsi pozmaqla verməkdədir.

İşğalçı ölkənin durmadan öz havadarları tərəfindən silahlandırması revanişstləri yenidən "ruhlandırıb".

Bəli, Ermənistan sərhəddə gərginlik yaratmaqla Avropa İttifaqının (Aİ) “mülki missiyası”nın regionda fəaliyyət müddətinin uzadılmasına çalışır. Elə ona görə də "süni müharibə effekti"ndən istifadə edirlər. Əgər Ermənistan "ikinci dəmir yumruğu" istəyirlərsə, bizim üçün problem deyil.

Bu, Ermənistanın siyasi süqutu ilə nəticələnə bilər. O zaman heç havadarları, erməni lobbisi də ermənilərə kömək etməyəcək. Ermənistan yeni müharibə ilə sülh masasında əlini gücləndirmək və yenə də vaxt uzatmaq istəyə bilər. Bu dəfə Kreml yox, Qərb Paşinyana diqtə edən tərəfdir. Məqsəd BMT və Avropa İttifaqının müşahidəçilərini, sülhməramlılarını bölgəyə gətirməkdir.

İrəvan həm də işğal altında saxladığı kəndləri bu yolla "unutdurmağa" çalışır. Paşinyan hazırda iki od arasında qalmış tərəfdir. Yeni savaşın onlara baha başa gələcəyini yaxşı başa düşür, amma ağalarının əmrindən də çıxa bilmir. Ona görə də hazırda çıxılmaz vəziyyətdə qalıb. Üstəlik, orduda russevər erməni zabitlərin də baş nazirə qarşı təxribatları aydın görünür.

Bütün bunlar həm də rus qoşunlarının İran-Ermənistan sərhədindən çıxdığı bir vaxtda baş verir. Düşünürəm ki, Ermənistanın təxribatı nəticəsində lokal toqquşmaların baş verməsi real görünür. Amma bunun müharibəyə çevriləcəyi inandırıcı deyil. Çünki Azərbaycan sülhün əldə olunmasında israrlıdır.

Sona Əliyeva
V çağırış Milli Məclisin deputatı
Onews.az