Bura Çin səddi və İstanbul səddindən sonra dünyanın ən uzun, ən geniş və ən möhkəm divarı hesab edilir.

Həmçinin Çin səddindən sonra dünyanın kosmosdan görünən ikinci ən böyük tarixi abidəsidir.

Onews.az xəbər verir ki, söhbət qardaş Türkiyə ərazisindəki Diyarbəkir qala divarlarından gedir.

Qala Diyarbəkrin Sur bölgəsində yerləşir.
Qalanın bünövrəsi və alt hündürlüyü bazalt daşlarındandır.
Diyarbəkir qalası daxili və xarici qala olmaqla iki hissədən ibarətdir.

Diyarbəkir qalasının dörd əsas qapısı şimalda Dağ qapı (Harput qapısı), qərbdə Urfa (Yunan qapısı), cənubda Mardin qapısı və şərqdə Yeni qapıdır.
Təxminən doqquz min illik tarixi olduğu təxmin edilir.
Diyarbəkir qala divarları 2015-ci ildə UNESCO tərəfindən Dünya İrs Siyahısına salınır.
Divarların parametri təxminən 5200 metrdir.
Daxili qala ilə birlikdə qala divarlarının ümumi uzunluğu 5800 metrə bərabərdir.
Təxminən 645 metrlik qala divarı müxtəlif səbəblərdən sökülüb.
Hazırda qalada 82 qüllə var.

Diyarbəkir qalası bütün şəhəri əhatə edən divar şəklində tikilib.
Qala ilə birlikdə müdafiə divarlarının bölgənin yerli əhalisi hurilər tərəfindən tikildiyi ehtimal olunur.
Tikilinin eramızdan əvvəl 4-cü minillikdə inşa olunduğu güman edilir.
Qala daha sonra Bizans imperatoru Konstantin tərəfindən bərpa olunur.

Hər memarlıq abidəsinin bir tarixi olduğu kimi, bu qüllələrin də öz əfsanələri var.
Rəvayətə görə, ustad və şagirdi ən gözəl binanın tikintisi ilə bağlı mərc edirlər.
Ustad divarların cənub tərəfində Yeddi Qardaş Qalasını tikir.

Baş usta və onun yanında başqa bir qala tikən şagirdi camaat arasında “qalib mənəm, yoxsa sən?” sualını ünvanlayır.
Lakin ustad şagirdinin sənətinin üstünlüyünü görərək özünü qaladan atır.
Ustadının ölümünə dözməyən şagirdi də onun arxasınca intihar edir.

Baş usta ilə şagirdinin rəqabət və dostluq hekayəsinin yaşandığı yer “Mən və Sən” mənasını verən “Ben-u Sen” kimi tanınır.

Fuad Süleyman
Onews.az