O, hər yerdə amerikalı müğənni, rəqqas, aktrisa və yazıçı kimi xatırlanır.

Bu gün onun dünyaya gözlərini açdığı tarixdir.

"Rok-n-Roll kraliçası" kimi tanınır.
Solo ifaçı kimi uğurlu karyerasına başlamazdan əvvəl “Ike & Tina Turner Revue” qrupunun aparıcı müğənnisi idi.
Bir müddət sonra moda ikonu olaraq da məşhurlaşır.

Onews.az xəbər verir ki, söhbət əfsanəvi ifaçı Tina Törnerdən gedir.

Əsil adı Anna Mae Bulokdur.

Tina Törner 1939-cu ilin 26 noyabr tarixində ABŞ-nin Tennessi ştatında yerləşən kiçik Natbuş şəhərində anadan olur.
Sent-Luis şəhərində yerləşən gecə klublarında səhnəyə çıxmağa başlayır.
Törner sonralar evlənəcəyi gitarist İka Turner tərəfindən kəşf edilmişdi.

1956-cı ildə İka Turnerin yaratdığı qrupa vokalist olaraq qoşulur.
Bu hadisə çütlüyün arasında olan münasibəti evliliyə qədər aparır.
İka Turnerin irrasional hərəkətləri səbəbindən çütlük 1975-ci ildə ayrılır.
Tinanın 1975–1983-cü illər aralığındakı fəaliyyəti istədiyi kimi alınmır.

Nəhayət, Törner 1983-cü ildə Capitol adlı albom şirkəti ilə müqavilə imzalayır.
“Al Qreen” tərəfindən məşhurlaşdırılan “Let's Stay Together” mahnısını ifa etməsi Törnerin məşhurluğunun artmasına səbəb olur.
Bu bəstə İngiltərədə “Top 10 sinql” arasına girməyi bacarır.

“What's Love Got to With It” mahnısı İngiltərə musiqi siyahılarında III yeri tutsa da ABŞ-də liderlik əldə edir.
Bu mahnın da yer aldığı musiqi çələngi “Ən yaxşı albom” və “Ən yaxşı qadın pop vocalist” nominasiyalarında sahibinə 2 Qremmi mükafatı qazandırır.

1984-cü ildə Tina Törner “Mad Max Beyond The Thunderdome” adlı filmdə rol almağı qəbul edir.
Törnerin növbəti hiti “We Don't Need Another Hero” adlı sinql olur.
Mahnı “Mad Max Beyond The Thunderdome” adlı filmdə istifadə edilir.

Növbəti il keçirilən yardım kompaniyasına dəstək məqsədilə Mik Ceker ilə duet oxuyur.
Bu hadisə Tina Törnerin məşhurluğu dünya səviyyəsinə çatır.

Sənət kraliçası çətin bir uşaqlıq və gənclik dövrü keçirdiyini verdiyi mübahisələrində və görüşlərində tez-tez xatırladırdı.
Müğənni 1985-ci ildə özünün avtobioqrafiyasını yazır.

1993-cü ildə ona dünya miqyasında məşhurluq gətirən “What's Love Got to Do With It” sinqlı üçün film çəkilir.
2013-cü ildə Ervin Bax ilə evlənən Tina Törner İsveçrə vətəndaşlığını qəbul edir.
Tina sonradan bu ölkəyə yerləşir.

Törner ömrünün sonuna qədər Sürix yaxınlığında yerləşən kiçik Küsnaxt qəsəbəsində yaşayır.
"Rok-n-Roll kraliçası" 24 may 2023-cü ildə, 83 yaşında dünyasını dəyişir.

Banu Murad