Mən Bəstəkar-ifaçı 1998-ci il Bakı şəhəri, Xəzər rayonunun Türkan Qəsəbəsində anadan olmuşam.

2008-2013-cü illər Mərdəkan 17 saylı Musiqi məktəbində Fortepiano ixtisası üzrə təhsil almışam.

2013-2017-ci illər Asəf Zeynallı adına Musiqi kollecini İxtisas -Fortepiano, Fakultativ-Xanəndəlik ixtisasları üzrə bitirmişəm .(müəllimlər - Gülyaz ,Gülyanaq Məmmədovalar , Əlibaba Məmmədov)

2017-2021-ci illərdə Bakı Musiqi Akademiyasını Bəstəkarlıq ixtisası üzrə Professor,Bəstəkar Aydın Əzimov və Arif Məlikovun sinfində təhsil alıb bitirmişəm.

2021-2023 -cü illər Bakı Musiqi Akademiyasının Bəstəkarlıq fakultəsini ,müəllim Aydın Əzimovun sinfini, Magistr pilləsi üzrə təhsil alıb bitirmişəm.

2019-cu il Cello və Fortepiano üçün 2 pyes- Adajio-Skerso yazdığım əsər Gürcüstanda keçirilən Otar Taktavişvili adlı Beynəlxalq müsabiqədə lll yerə layiq görülmüşdür.

2021-ci il Türkiyədə keçirilən Cantabile adlı Beynəlxalq müsabiqədə yazdığım Simli Kvartet əsərim Gran-Pri mükafatına layiq görüldü.
2021-ci il Ukraynada keçirilən "Ukraynada yaşayacağam" adlı Beynəlxalq müsabiqədə Nizami Gəncəvinin qəzəlinə yazdığım "Ay üzlü nigarım" adlı romansım I yer dərəcəli diplom mükafatına layiq görülmüşdür.
Bugünədək müxtəlif janrlarda əsərlər yazmışam :
2020-ci il Qarabağ müharibəsi zamanı yazdığım "Qarabağ qələbəsi " adlı simfonik poema ( l hissə- Əsgərlərin yürüşü, ll hissə - Suqovuşanın alınması ,lll hissə - Şuşa Cıdır düzü səhəri , lV hissə - Döyüş və Qələbə )
2023- cü il "Allahım" adlı 4 hissəli simfonik poema yazmışam.
2023-cü il Xor,kamera orkestri, Fortepiano üçün "Elegiya" adlı əsərim Azərbaycan Dövlət Filarmoniyasında Şəhidlərə həsr olunmuş tədbirdə 400 nəfər şəhid anası qarşısında səsləndirilmişdir.

Yazdığım 50-yə yaxın mahnım var.
Bunlardan bir neçəsi məşhur ifaçılar tərəfindən səsləndirilmişdir :
1. Gözəl Azərbaycan - Lalə Məmmədova (əməkdar artist )
2. Tutulmuşam - Rövşən Əziz
3. Mahnılar və Sən - Nazpəri Dostəliyeva & Nihat Məlik
4. Mənə bax - Röya Ayxan, Aygül Arzum
5. Gəlmədin - Firuzə Babayeva
6. Dünya - Gülyaz Məmmədova
7. Xatirə - Gülyanaq Məmmədova və s.

2024-cü il Noyabrın 24-ü Azərbaycan Bəstəkarlar İttifaqının üzvü seçilmişəm.

Onews.az