Müasir Azərbaycan Qadınının Zirvəsi:
Hörmətlə, Mehriban Əliyevaya...

​Müasir dünyada qadının cəmiyyətdəki rolu yalnız ənənəvi çərçivələrlə məhdudlaşmır; o, həm milli dəyərlərin qoruyucusu, həm də dövlətin və cəmiyyətin inkişafına yön verən qüdrətli bir qüvvədir.

Azərbaycanın Birinci vitse-prezidenti Mehriban Əliyevanın şəxsiyyəti bu iki fərqli və məsuliyyətli rolu özündə mükəmməl şəkildə birləşdirən nadir nümunələrdəndir.

O, həm cəsarətli bir rəhbər, həm də incə qəlbli bir ana, ailə səadətinin və qadın zərifliyinin rəmzidir.

​Mehriban Əliyevanın fəaliyyətinə nəzər saldıqda, onun siyasi və sosial müstəvidəki cəsarəti dərhal diqqəti cəlb edir.

Bir rəhbər kimi o, ölkənin mədəniyyət, təhsil, səhiyyə və sosial rifah sahələrində böyük islahatların önündə gedir. Heydər Əliyev Fondunun rəhbəri olaraq həyata keçirdiyi miqyaslı layihələr, Azərbaycan mədəniyyətini dünya səviyyəsində təbliğ etməsi və milli maraqları qətiyyətlə müdafiə etməsi onun siyasi iradəsindən və cəsarətindən xəbər verir. Lakin bu güclü rəhbər simasının arxasında hər zaman dərin bir mülayimlik və insani istilik dayanır.

​Onun mahiyyətini təşkil edən en mühüm keyfiyyətlərdən biri də analıq və qoruyuculuq hissidir. Şəhid ailələrinə, qazilərə, kimsəsiz uşaqlara və köməyə ehtiyacı olan hər bir fərdə göstərdiyi ana qayğısı onun xeyriyyəçilik fəaliyyətinin ana xəttini təşkil edir. İnsanların çətin anında yanında olmaq, onların dərdiylə həmdərd olmaq və problemlərinə şəfqətlə yanaşmaq Mehriban xanımı cəmiyyətin gözündə təkcə dövlət xadimi deyil, həm də doğma bir qoruyucuya çevirir.

​Eyni zamanda, o, əsl Azərbaycan xanımı kimi milli-mənəvi dəyərlərə sadiq qalaraq ənunəvi ailə modelini və səadətini müasir dünyaya nümayiş etdirir. Ailə ocağının istiliyini qorumaqla yanaşı, cəmiyyətdə zərifliyi, nəzakəti və humanist yanaşmanı təcəssüm etdirir. Onun insanlara bəxş etdiyi mərhəmət, samimiyyət və xeyirxahlıq o qədər saf və ucadır ki, bu zəriflik həqiqətən də insani keyfiyyətlərin ən yüksək zirvəsini təşkil edir.

​Yekun olaraq deyə bilərik ki, Mehriban Əliyeva müasir Azərbaycan qadınının ideal surətidir. O, cəsarəti ilə yön verən bir lider, şəfqəti ilə sığınacaq olan bir ana, zərifliyi və sədaqəti ilə ailə dəyərlərini yaşadan nümunəvi bir xanımdır. Onun həyatı və fəaliyyəti cəmiyyətə güc, ümid və ilham verməyə davam edir.

Tural İbrahimov
Publisist
Onews.az