İtaliyadakı şəhərlər son illərdə yeni sakinlər cəlb etmək üçün bir-biri ilə əməlli-başlı rəqabətdədir.

Onews.az xəbər verir ki, İtaliyanın cənubundakı Puglia şəhərində yerləşən Presicce qəsəbəsinin bələdiyyəsi beş il öncə olduğu kimi bu il də maraqlı addım atıb.

Yerli bələdiyyə qəsəbədəki yaşayış olmayan boş evləri maraqlı üsulla satışa çıxarıb.
Bələdiyyə rəhbərliyi kimsənin yaşamadığı evlərlə bağlı yaşayış icazəsi almaq üçün insanlara 30 min avro ödəyəcəyini açıqlayıb.

Müqavilə çərçivəsində satışa çıxarılan evlərin qiymətlərinin əslində bazar dəyərinin 400-500 min avro olduğu vurğulanır.
Hətta tarixi əhəmiyyətə malik qəzalı evləri alaraq təmir edən şəxslər vergidən azad edilir.

Bu da varlı şəxslərin və iş adamlarının həmin şəhərlərə, qəsəbələrə investisiya yatırmasına gətirib çıxarır.



Artıq bir neçə əsrlik evlərə malik olan insanlar da ucqarlarda yerləşən, yaşamadıqları evlərini satışa çıxarıblar.
Sakinlərin fikrincə, bu addımlar öz müsbət nəticələrini verməkdədir.

Bir sıra nüfuzlu şirkətlər Santa Maria di Leuca çimərliklərinin yenidən canlandırılması üçün investisiya yatırmağa başlayıblar.

Hətta qəzalı vəziyyətdə olan turistik əhəmiyyətə malik məkanlar da yenidən restavrasiya edilir.



İddialara görə, artıq “ölü turistik məkanlara” ikinci həyat gəlməyə başlayıb.

Bələdiyyə rəsmiləri deyirlər ki, dövlət qurumlarının şərtləri olduqca sadədir.

Yaşamaq şərti ilə köhnə evlər alınır və təmir edilir, vəssalam…

Fuad Süleyman