2019-cu ilin dekabrında dünya incəsənət tarixində bir ilk yaşanır. İlkə imza atan isə Londondakı “The Mayor Gallery” muzey-qalereyası olur.

Qalareyada “Konqo” adlı şimpanze tərəfindən çəkilmiş rəsmlərin satış sərgisi keçirilir. Sərgi sənəd adamları və turistlər üçün nəzərdə tutulur.

Qalereyada dəyəri 1800-7400 dollar məbləğində qiymətləndirilən 55 rəsm nümayiş etdirilir. Həmin əsərlər “Konqo”nun sahibi rəssam-zooloq Desmond Morrisə məxsusdur.

Məhz o, 1956-cı ildə meymunların bədii qabiliyyətlərini tədqiq edərək Konqoya qələm tutmaq öyrədir.

Şimpanze üç il ərzində 400-dən çox rəsm çəkir.

Pablo Pikasso, Xuan Miro və Salvador Dali kimi rəssamlar onların bəzilərini öz kolleksiyaları üçün alırlar. Dahi rəssam Dali, "Konqo"nu "əsrarəngiz sənətkar" adlandırmışdı.

1954-cü ildə vəhşi təbiətdə doğulan “Konqo” 1964-cü ildə vərəm xəstəliyindən ölür.

2005-ci ildə şimpanzenin rəsmləri “Bonham’s” hərracına çıxarılır. Orada şimpanzenin rəsm əsərləri dünyaca məşhur rəssamların - Uorhol və Renuarın əsərlərindən baha qiymətə, 25 min dollara satılır.

“Konqo”nun əsərlərini amerikalı milyarder kolleksiyaçı – Hovard Honq satın alır. Rəssam şimpanzenin üslubu "lirik abstrakt impressionizm" kimi təsvir edilir.

“Konqo”nun ölümündən sonra onun adına araşdırma insitutu açılır. Daha sonra dünyasını dəyişdiyi böyük zooparkın bir meymunlar yerləşdirilən hissəsinə onun adı verilir.

Türkay

Xüsusi olaraq Onews.az üçün...