O, dünyaca məşhur rəssamlarımızdandır.

Hələ 50-55 yaşlarında imzasını dünya brendində çevirməyi bacarır.
Avropa Senatının senatorudur.

“Bahar qızı” adlı rəsm əsəri və Azərbaycan Kəlağıyısını kraliça II Elizabetə hədiyyə edir.
Britaniya kraliçası onun rəsm əsərinə valeh olur.
Bu tanışlıqdan sonra o, kraliçanın heyran olduğu rəssam kimi daha da məşhurlaşır.

Onews.az-ın araşdırmasına görə, söhbət Xalq rəssamı, professor Sakit Məmmədovdan gedir.

Sakit Məmmədov 1958-ci ildə Neftçalada doğulur.
1978-ci ildə Əzim Əzimzadə adına Azərbaycan Dövlət Rəssamlıq Məktəbini fərqlənmə ilə bitirir.
S. Məmmədov 1981-ci ildə İlya Repin adına Leninqrad Rəssamlıq Akademiyasının rəngkarlıq fakültəsinə daxil olur.

1987-ci ildə oranı adəti olaraq fərqlənmə ilə bitirir.
Sonrakı illərdə dünyanın ən mötəbər sərgi salonlarında, qalereyalarında keçirilən sərgilərin iştirakçısına çevrilir.

1988-ci ildən Azərbaycan Rəssamlar İttifaqının üzvüdür.
Sakit Məmmədov 80-ci illərdə formalaşan istedadlı rəssamlar nəslinin parlaq nümayəndəsidir.
2000-ci illərdə YUNESKO Rəssamlar İttifaqının üzvü seçilir.

Avropa Təbiət Elmləri Akademiyasının fəxri professor ünvanına sahib çıxır.

Eyni zamanda, Vatikan Heraldika Akademiyasının qrafıdır.
Ümumdünya Rəssamlıq Akademiyasının həqiqi üzvüdür.

Bir müddət əvvəl Rusiya İmperial Rəssamlıq Akademiyasının fəxri üzvü seçilir.
Roma Müasir İncəsənət Akademiyasının fəxri üzvü kimi həmyerlimiz bir sıra uğurlu fəaliyyətlə yadda qalır.

O, həm də Dünya İncəsənət Akademiyasının həqiqi üzvüdür.
"Türk Dünyası" Akademiyasının həqiqi üzvü ünvanın sahibdir.

Rəssamın yaradıcılığı görkəmli rus tənqidçisi Andrey Bajenovu da heyrətlənir.
SİTAT: "Sakit Məmmədovun əli intibah rəssamının əlinə bənzəyir"…

Hazırda Sakit Məmmədov Azərbaycan rəssamlığının əsas simalarından sayılır.

Banu Murad