8 Noyabr - Zəfər Günü Gürcüstanda silsilə tədbirlərlə qeyd olunub.

Onews.az xəbər verir ki, daha bir tədbir paytaxt Tbilisidə baş tutub.

Tədbirdə Azərbaycanın Gürcüstandakı səfirliyinin əməkdaşları, SOCAR-ın bu ölkədəki nümayəndəliyinin üzvləri, tələbə gənclər iştirak ediblər.

Əvvəlcə Azərbaycanın və Gürcüstanın Dövlət himnləri səsləndirilib. Azərbaycanın ərazi bütövlüyü və suverenliyi uğurunda canlarından keçmiş şəhidlərin xatirəsi bir dəqiqəlik sükutla yad olunub.

Səfir Faiq Quliyev çıxış edərək Azərbaycan xalqının müstəqillik uğrunda mübarizə tarixindən danışıb. Səfir 30 il ərzində bir çox insanların yenidən Qarabağa qayıtmaq ümidinin itdiyini, lakin Azərbaycanın rəşadətli ordusu və Azərbaycan xalqının Prezident İlham Əliyev ətrafında sıx birləşməsi nəticəsində öz tarixi torpaqlarımızın işğaldan azad edildiyini bildirib.

O, Gürcüstanla Azərbaycanın dost, qardaş ölkələr olaraq birgə addımladığını və tezliklə Gürcüstanın da öz ərazi bütövlüyünü bərpa edəcəyinə əminliyini ifadə edib.

Diplomat 44 günlük Vətən müharibəsində Gürcüstandakı soydaşlarımızın rolunu xüsusi qeyd edib. Bildirib ki, 24 nəfər soydaşımızı bu müharibədə şəhidlik zirvəsinə yüksəlib.

Sonda Zəfər Günü ilə bağlı hazırlanan "Biz" sənədli filmi nümayiş etdirilib.

Elgiz