O, 1980-ci ildə Bakıda doğulmuşdu.

O, 2023-cü ildə insult keçirmişdi.
İnsultdan sonra ağır ürək problemi yaranmışdı.
Azərbaycan Ordusunun zabiti Ramil Səfərova həbsdə olarkən həsr etdiyi "Hələ oğlun salamatdır" adlı meyxanası ilə məşhurlaşmışdı.

Onews.az xəbər verir ki, söhbət noyabrın 3-də dünyasını dəyişən tanınmış meyxanaçı Xəyyam Əhmədlidən gedir.

Meyxanaçı bir ildən çox idi ki, yataq xəstəsi idi.
Oksigen balonun şəffaf tellərinə ümid bağlayaraq yaşayırdı.
Sənət dostları onun müalicəsi ilə bağlı çağırışlar etmişdilər.

Meyxanaçının müalicəsi üçün 70 min manat pul da yığılmışdı.
Amma əcəl atı imkan vermədi, şairi 44 yaşında tərkininə mindirib Ulu Yaradanın dərgahına apardı.
Sağalması üçün ona qiyməti 130 min dollar olan aparat lazım olduğu bildirilmişdi.
Həkimlər onu müntəzəm müayinə edirdilər.
Əməliyyat olunması da mümkün deyildi.

Çünki əməliyyat üçün ilk növbədə səhhəti yaxşılaşmalı idi.
Ürəyi çox zəifləmişdi.
Söz xiridarı ictimai-sosial verilişə müsahibəsində bildirmişdi ki, səhhəti ilə əlaqədar uzun müddətdir, xəstəxana pəncərələrindən həyata sari boylanır.

SİTAT: “Heç özüm də bilmirəm, nələr baş verdi, uzun zaman əvvəl ürəyimə su yığılmışdı, o zaman əməliyyat olunmalı idim, amma olmadım…”

Günlərin bir günü birdən-birə meyxanaçının gözü qaralır, huşu gedir.
O, 2018-ci ildə ürəyindən "anju" əməliyyatı da olunmuşdu.
Azərbaycan ordusunun zabiti polkovnik-leytenant Ramil Səfərov bir ağır xəstəlikdən əziyyət çəkən tanınmış meyxanaçı Xəyyam Əhmədlini ziyarət edir.

Onlar birgə söhbət edir, foto çəkdirirlər.
Ramil Səfərov meyxanaçıya xüsusi rəğbət bəslədiyini bildirir.
Xəstə yatağında olarkən sənət yoldaşı Oqtay Kamil hər gün ona baş çəkir.
Digərləri də ara-sıra Xəyyamın çarpayısının ayaq ucunda oturmağa gəlirdilər.
Amma bəzi dostları şairi xəstə yatağında amansız mərəzlə baş-başa qoyurlar.
Son üç ay ərzində ürək çatışmazlığı ilə əlaqədar bədəninə su yığılır.
Şairin bir ayağı tutulur.

Bu müddət ərzində xəstəxanada düz 8 dəfə müalicə alır.
Müalicənin xeyri olsa da əməliyyat üçün şərait yaranmır.
Həkimlər deyirlər ki, öncə bədəndən su çəkilməlidir.
Ürək çatışmazlığı şairin ağciyərlərinə və böyrəyinə müəyyən fəsadlar verir.
Amma sırf ürəyi ilə bağlı müalicələr alır.

SİTAT: “Ürəyimdə üç canlı toxumadan ikisi yoxdur. Bu çətinlik də məhz buna görə yaranıb”.

Anasının da xəstə olduğunu söyləyən Xəyyam Əhmədli son anlarında deyirdi ki, gün ərzində onunla otaqdan otağa videozəng vasitəsi ilə əlaqə saxlayır.

SİTAT: “Aylardır yataqdayam, anamı görə bilmirəm. Bu otaqdan o otağa görüntülü danışırıq…
SİTAT “Amma yenə də ana ürəyi görürsünüz necədir, o, qalxır ayağa və yanıma gəlir”.
Xəyyam Əhmədli evli olsa da, övlad üzünə həsrət idi.

Allah rəhmət eləsin!..


Turan