İkinci dünya müharibəsi iştirakçısı, sovet hərbi alpinisti Mixail Bobrovun bir xatirəsi erməniləri hiddətləndirir.

Onews.az xəbər verir ki, son günlər Bobrovun 15 il əvvəlki müsahibəsi yenidən gündəmə gəlib.

95 yaşında dünyasını dəyişən Bobrov bu hadisəni çox sonralar müsahibəsində dilə gətirir.
1941-ci ilin payızında Mixail Bobrov və onun bölüyü almanlara əsir düşür.
Rus qoşunlarını əsir götürən isə türk əsilli alman zabiti idi.

Əsir götürülənlər arasında çoxluğu ruslar və ermənilər təşkil edirlər.
Türk kökənli zabit sovet əsirlərinə xəndək qazmağı əmr verir.
Səngər hazır olanda adı açıqlanmayan alman ordusunun zabiti uca səslə dillənir:

SİTAT: “Ermənilər sıradan çıxsın və səngərə ensin!”
Ermənilər səngərə enirlər.

Bu zaman alman ordusunun türk zabiti ikinci əmrini verir:
“Ruslar, kürəkləri götürün və erməniləri basdırın!”

Ruslar bir-birlərinə baxırlar, amma heç kim kürəyi götürmür.
Alman ordusunun zabiti yenidən əmr verir:
“Ermənilər səngərdən çıxsın!”
Erməni kökənli sovet əsirləri səngərdən çıxırlar.

Bobrov müsahibəsində danışır ki, bu dəfə səngərə ruslar enirlər.
Alman zabit ermənilərə ikinci əmrini verir:
“Ermənilər, rusları dəfn edin!”

Ermənilər bir nəfər kimi əllərinə kürək götürürlər.

Səngərdəki rusların üzərinə torpaq atmağa başlayırlar.
Torpaq örtüyü səngərin içərisindəki rus əsirlərin dizlərinə qədər örtür.

Bu zaman alman ordusunun zabiti ermənilərə dayanmasını əmr edir.
Sonra türk kökənli zabit dizlərinə qədər torpağa batmış ruslara tərəf dönür.

SİTAT: “Ruslar, ermənilərin necə bir millət olduğu sizlərə aydın oldumu?!”

Əfsanəvi rus zabiti Bobrov bu hadisənin ona və bölüyünə böyük bir dərs olduğunu deyir.
Bu hadisədən sonra bir daha ermənilərə güvənmədiyini dilə gətirir.

Tural Turan