Daxili İşlər Nazirliyinin Mərkəzi Kriminal Polis İdarəsinin, Tbilisi polis idarəsinin, Sameqrelo-Zemo Svaneti, İmereti, Acarıstan, Kvemo Kartli və Quriya polis idarələrinin əməkdaşları tərəfindən həyata keçirilən əməliyyat və istintaq hərəkətləri nəticəsində narkotik cinayətlərinə görə 18 nəfər həbs edilib.

Onews.az-ın Tbilisi bürosu xəbər verir ki, bu barədə Daxili İşlər Nazirliyi məlumat yayıb.

Məlumata görə, saxlanılan şəxslər Gürcüstan və digər ölkələrin vətəndaşlarıdır.

Hüquq mühafizə orqanı əməkdaşları təqsirləndirilən şəxslərin yaşayış evlərinə və avtomobillərinə baxış zamanı maddi sübut kimi, müxtəlif növ narkotik vasitələr, o cümlədən "Heroin", "Alpha PVP", "Buprenorphine", "MDMA", "Metadon", "Suboxin", "Marixuana" və narkotik bitki çətənəsi aşkar edərək götürüblər.

Faktlarla bağlı Cinayət Məcəlləsinin 260, 19-260, 262, 265 və 273-cü maddələri ilə araşdırma aparılır, saxlanılan şəxsləri 20 ilədək və ya ömürlük həbs cəzası gözləyir.

Elgiz