"Əgər Ermənistan regionda əbədi sülh istəyirsə, ilk növbədə bu ilin sonuna qədər Azərbaycanla sülh sazişinə imza atmalıdır. Çünki İrəvanın başqa çıxış yolu qalmayıb". Bunu
Onews.az-a açıqlamasında keçmiş millət vəkili, politoloq
Sona Əliyeva deyib.
Politoloqun fikrincə, Ermənistanın dayanıqlı inkişafı üçün Azərbaycan iki əsas şərt var:
"Birincisi, işğalçı ölkə Azərbaycan və Türkiyəyə qarşı ərazi iddialarından əl çəkməlidir. Bunun üçün mövcud konstitusiyasına dəyişikliklər etməlidir. İkincisi, İrəvandakı hakimiyyət qətiyyət ortaya qoymalı, Azərbaycanın işğal altındakı kəndlərini qeyd-şərtsiz və dərhal azad etməlidir. Digər səbəb isə Zəngəzur dəhlizinin aradan qaldırılması və Naxçıvanın blokadadan çıxarılmasıdır. Əgər Ermənistan bu problemlərin həllinə nail olsa, o zaman böyük sülh müqaviləsi də qısa bir zamanda imzalana bilər. Fikrimcə, İrəvan Qərbdəki və Rusiyadakı müəyyən dairələrin deyil, öz maraqlarının arxasınca düşsə, bu çatışmazlığı da aradan qaldırmağa nail olacaq".
Turan