"Fransa Ermənistanı öz müstəmləkəsi etməyi düşünür. Yəni Paris İrəvanı da özünün Afrikadakı müstəmləkələrinin gününə salmaq niyyətindədir".

Bunu Onews.az-a açıqlamasında V çağrış Milli Məclisin deputatı, siyasi şərhçi Sona Əliyeva deyib.

Keçmiş Millət vəkilinin sözlərinə görə, indi Emmanuel Makron rəhbərliyindəki Fransa Kremlin 200 illik dominantlığına son vermək, Rusiyanı Ermənistanda naqdaun vəziyyətinə salmaq istəyir:

"Şübhəsiz ki, Fransanın gələcəyə hesablanmış bu addəmlarını Rusiyada da yaxşı anlayırlar. Amma rəsmi Paris başa düşmür ki, Fransanın indi ermənilərin yaşadığı 29 min kvadrat kilometrlik ərazidə tarixi kökləri yoxdur. Köksüz ağacları adi bir külək də vurub aşıra bilər. Ona görə də Fransanın Ermənistanı silahlandırması, orada şovinizmi, separatizmi yenidən alovlandırmağa cəhd göstərməsi bədnam qonşularımıza böyük zərbə olacaq. Əvvəllər Zəngəzur dəhlizinə ən böyük maneə Rusiya və Ermənistan arasındakı dolaşıq düyünlü problemlər idisə, indi Fransa bu dəhlizin açılmasını yubatmaq, vaxt qazanmaq, prosesi uzatmaq üçün İrəvana, Nikol Paşinyan hakimiyyətinə təzyiqlər edir. Bu dəhlizin açılmasını ləngitmək isə Azərbaycandan daha çox Ermənistan və Rusiyanın iqtisadiyyatına, geosiyasi durumuna zərbədir".

Rauf Süleyman