18 ildən sonra İsrail ordusu yenidən Livan ərazisinə hücuma keçib.

Onews.az- xəbər verir ki, Quru qoşunları və desant qüvvələri havadan və qurudan Livandakı Hizbullah mövqelərini bombalamağa başlayıb.
Hətta qurudan hücum əməliyyatına başlamazdan öncə yəhudilər Hizbullahın lideri Həsən Nəsrullahı məhv etdilər.

Üstəlik, ötən ilin oktyabrından İsrail Livanda bir sıra hava əməliyyatları gerçəkləşdirib.
Peycer əməliyyatı nəticəsində onlarla Hizbullah üzvü sıradan çıxarılıb.
Hətta İranın Livandakı səfiri sağ əlini itirib.

Buna baxmayaraq molla rejimi Livandakı proksi güclərinə qarşı hər hansı əməliyyat keçirməkdən çəkinir.
2006-cı il savaşında hər iki tərəf özünü qalib etsə də, bu dəfə vəziyyət fərqli görünür.
İsrail indi daha güclü təsiri bağışlayır.


Üstəlik, Livanın arxasındakı İran da savaşı evinin pəncərəsindən izləyir.

Bəs hazırda Livanla İsrailin güc nisbəti hansı səviyyədədir?

Dünya ordularının sıralamasında İsrail 17-ci sıradadır.
Bu göstərici ilə İsrail hətta İranı da 1 pillə geridə qoyur.
Livan isə 118-ci sırada qərarlaşır.
Yəni, ortada 100 “mərtəbəli” fərq və üstünlük mövcuddur.
İsrail ərazi baxımından da Livandan 2 dəfə böyükdür.
Livanın dövlət büdcəsi cəmi 78 milyard dollarla ölçülür.
Amma İsrailin dövlət sandığındakı vəsait 537 milyard dollardan çoxdur.
Bir sözlə, aradakı fərq 8-9 pilləlik intervala bərabərdir.
Beyrutun hərbi xərcləri 2 milyarda çatmır.
Qarşı tərəfdə isə bu göstərici 23 milyard dollardan artıqdır.
Tel-Əvivin 90 nüvə başlığı olduğu halda, müsəlman ölkəsinin göstəricisi sıfırdır.
635 minlik İsrail ordusunun qarşısında hazırda cəmi 95 minlik Livan hərbi kontingenti dayanır.
Yəhudilərin 170 minlik aktiv hərbi döyüşçüsü var.
Amma livanlılarda bu göstərici cəmi 60 mindir.

Yarımhərbi birliklərdə də isə Livan 2 dəfə üstündür.
İsrailin göstəricisi 35 min olduğu halda, livanda 65 minlik hərbiləşdirilmiş dəstələr mövcuddur.
İsrail 1370, Livanın isə cəmi 304 tanka sahibdir.
Livanın 4522 döyüş maşını olsa da, İsraildə bu göstərici 43,5 mindir.
Özüyeriyən artilleriya isə 510-un 48-ə nisbətində İsrailin xeyrinədir.
BTR-lərdə də İsrailin aşkar üstünlüyü hiss olunur.

Burada nisbət 5800-ün 1700-ədir.
İsrailin 30 zirehli maşını olduğu halda, Livanda bu göstərici sıfıra bərabərdir.
İsrailin 650 özüyeriyən zirehli top maşını mövcuddur.
Livan isə cəmi 84 zirehli top maşınına sahibdir.
Döyüş qayıqlarında isə Livan üstündür.
Hərbi nisbət 69-un 67-yə ərəblərin xeyrinədir.
Tel-Əvivin 32, Beyrutun isə cəmi 9 qırıcısı var.

Bəs sizcə, bu savaşın qalibi kim olacaq?

Tural Turan