Qonşu Gürcüstanın paytaxtı Tbilisidə Parlament binası qarşısında növbəti etiraz aksiyası başlayıb.

Onews.az xəbər verir ki, aksiyada müxalifət partiyalarının liderləri və üzvləri, həmçinin QHT nümayəndələri, eləcə də sadə vətəndaşlar iştirak edirlər.

Aksiya iştirakçılarının əllərində Avropa İttifaqının bayraqları, üzərində “Gürcüstan Avropa İttifaqını seçir” yazısı olan pankart və Avropa İttifaqını dəstəkləyən müxtəlif məzmunlu plakatlar var.

Aksiya iştirakçılarının sayının çox olması səbəbindən Rustaveli prospektində nəqliyyatın hərəkəti məhdudlaşdırılıb.

Parlament qarşısında qurulan səhnədə Aİ-nin 8 ölkəsinin Xarici İşlər Komitəsinin sədrləri və üzvlərinin çıxışı gözlənilir.

Qeyd edək ki, aksiyanın əsas tələbi 26 oktyabrda keçirilmiş parlament seçkilərinin nəticələrinin ləğvi və ölkədə yenidən seçkilərin keçirilməsidir.

Elgiz Məmməd