İlham Əliyevin dünən Böyük Britaniyanın Baş naziri Kir Starmerlə görüşdə Ermənistanın Konstitusiyasında Azərbaycana qarşı olan ərazi iddialarının aradan qaldırılmasının vacibliyini bir daha vurğulaması dövlətimizin sülh sazişinin imzalanması üçün uzun müddətdir açıqladığı mövqeyində nə qədər qətiyyətli olduğunu göstərdi.

Prezident eyni zamanda, bu görüşdə sülh prosesinin irəli aparılması və sülh müqaviləsinin imzalanması üçün xalqların sülhə hazırlanmasının önəmini də ifadə edib.

Bir neçə saat öncə N.Paşinyan tvitterdə cavab xarakterli fikirlərini yayımlayıb.

Paşinyan Azərbaycan Konstitusiyasında Ermənistan ərazisinin 60% iddia olduğunu bildirib.

Məntiqə söykənməyən və əsası olmayan fikirlərlə konstitusiyalarındakı beynəlxalq hüquqa zidd olan maddələri dəyişdirmək tələbindən imtina edən Paşinyan bu açıqlaması ilə sülh sazişi üzrə danışıqların uzanacağı ehtimallarını təsdiqləmiş oldu.

COP29-dan sonra ya lokal, ya qlobal arenada baş verəcək proseslər Ermənistanı manipulyasiyalardan çəkindirməli, illuziyalardan ayıltmalı və sülh sazişinin imzalanması üçün zəruri addımlar atmağa məcbur etməlidir.

Elməddin Behbud

Onews.az