İşğal olunmuş Abxaziyada “növbədənkənar prezident seçkiləri” fevralın 15-i və ya 16-sı keçirlməsi gözlənilir.

Onews.az xəbər verir ki, bu barədə Rusiyanın TASS dövlət xəbər agentliyi qondarma Abxaziya hökumətinin Mərkəzi Seçki Komissiyasının üzvünə əsaslanaraq məlumat yayıb.

Bildirilib ki, seçkilər prezidentin istefa verdiyi tarixdən üç ay ərzində keçirilməlidir. Aslan Bjaniya istefa verib və parlament onu noyabrın 19-da qəbul edib, bu isə o deməkdir ki, konstitusiyaya görə, seçkilər üç ay ərzində, yəni fevralın 19-dək keçirilməlidir. Abxaziyada seçkilər həmişə həftə sonu keçirildiyinə görə, bu, şənbə, fevralın 15-i və ya bazar günü, fevralın 16-sı ola bilər.

Məlumata əsasən, seçkilərin tarixini Parlament təyin etməlidir. “Ria Novosti”nin məlumatına görə, qondarma Parlament seçkilərin tarixinə noyabrın 28-də baxa bilər.

Xatırladırıq ki, işğal olunmuş Abxaziyanın qondarma Parlamenti ötən gün “prezident” Aslan Bjaniyanın istefasını dəstəkləyib.

Elgiz