Gürcüstanın Çexiyadakı səfiri Teya Maisuradze baş nazir İrakli Kobaxidzenin Aİ ilə danışıqların başlanması məsələsinin dondurulması ilə bağlı bəyanatından sonra istefa verdiyini açıqlayıb.

Onews.az xəbər verir ki, bu haqda o öz “X” hesabında məlumat yayıb.

Gürcüstanlı xanım səfir açıqlamasında deyib ki, o Gürcüstanın Çexiyadakı səfiri vəzifəsindən istefa verib:

"Demək olar ki, iyirmi ilə yaxındır ölkəmin milli maraqlarına xidmət etmək, onun Avro-Atlantik bölgəyə inteqrasiyasını təşviq etmək, onun suverenliyini və ərazi bütövlüyünü qorumaq mənim üçün böyük şərəfdir. Mən Gürcüstanın Avropa gələcəyinə sadiq qalıram!”.

Qeyd edək ki, Maisuradze ölkənin istefa verən beşinci diplomatı olub. Bundan öncə Gürcüstanın ABŞ, Bolqarıstan, Niderland Krallığındakı və Litvadakı səfirləri hakim partiyanın Aİ ilə inteqrasiya danışıqlarını 4 il müddətinə dayandırmaq qərarından sonra istefa verib.

Elgiz Məmməd