"Bu, davam edən aksiyalar bütün ölkənin üsyanıdır, mən Gürcüstanın bütün böyük-kiçik şəhərlərində belə irimiqyaslı üsyan görməmişəm və eşitməmişəm".

Onews.az xəbər verir ki, bu barədə Gürcüstan Prezidenti Salome Zurabişvili Fransa mətbuatına açıqlamasında bildirib.

Gürcüstan prezidenti Gürcüstanda keçirilən parlament seçkilərindən də danışıb və qeyd edib ki, seçkilər “Rusiyanın və Rusiya sisteminin köməyi ilə ustalıqla oğurlanıb”.

Bundan başqa, onun sözlərinə görə, hazırda Gürcüstanda Rusiya repressiyaları gedir:

“Bu gün biz açıq-aydın narkotik maddələrin təsiri altında olan xüsusi təyinatlılar vasitəsilə həyata keçirilən Rusiya repressiyasının şahidi oluruq. Onların vəhşiliyi bunu göstərir. Onlara “amfetamin” verilir, ya da onlara davamlı dözümlülük verən başqa bir maddə bilmirəm, çünki bu, beşinci gecədir ki, davam edir. Gənclərimiz də çox möhkəmdirlər və bu vəhşiliyə tab gətirmək üçün möhkəm olmalıdırlar” - deyə Salome Zurabişvili bildirib.

Elgiz Məmməd