"Gürcüstan rəsmilərini yeni seçkilərin keçirilməsi imkanlarını nəzərdən keçirməyə çağırırıq".

Onews.az xəbər verir ki, bu barədə "Veymar üçbucağı"nın Fransa, Almaniya və Polşanın xarici işlər nazirlərinin birgə bəyanatında qeyd olunub.

Bəyanatda Gürcüstan rəsmilərini mövcud vəziyyətin həlli yolunu tapmaq və Gürcüstan demokratiyasına ictimai etimadı bərpa etmək üçün bütün müvafiq aktorlarla milli dialoq aparmağa çağırılır.

Həmçinin, bəyanatda qeyd olunur ki, ATƏT/ DTİHB-nin oktyabrın 26-da Gürcüstanda keçirilmiş parlament seçkiləri ilə bağlı yekun hesabatı geniş pozuntular və iddialara cavab vermək üçün aparılmalı olan qeyri-adekvat araşdırmalar fonunda seçki prosesinin ədalətli olması ilə bağlı narahatlıqları təsdiq edir.

Bəyanata görə, xarici işlər nazirləri seçkilərin Aİ-yə namizəd ölkədən gözlənilən standartlara uyğun keçirilmədiyini düşünürlər.

Bəyanatda həmçinin Gürcüstan diplomatik pasportu sahibləri üçün vizasız gediş-gəlişin dayandırılması və Aİ-nin milli səviyyədə əlavə tədbirləri nəzərdən keçirəcəkləri bildirilib:

“Biz, Veymar üçbucağının xarici işlər nazirləri, oktyabrın 26-da keçirilən parlament seçkilərindən sonra Gürcüstanda yaranmış siyasi böhrandan və “Gürcü arzusu”nun Avropa İttifaqına üzvlük prosesini dondurmaq qərarından ciddi narahatıq. Böhrana səbəb Gürcüstanın hakim partiyasının siyasi kursu və Avropa yolundan sapmasıdır.

Biz dəfələrlə gürcü rəsmilərini Avropa norma və dəyərlərinə riayət etməklə və islahatlar həyata keçirməklə kurslarını dəyişməyə və Aİ inteqrasiyasına qayıtmağa çağırmışıq.

Biz ötən həftə dinc nümayişçilərə, mediaya və müxalifət liderlərinə qarşı zorakılığı qətiyyətlə pisləyirik və gürcü rəsmilərinin insan hüquqlarına hörmətlə yanaşmaq və əsas hüquqları, o cümlədən sərbəst toplaşmaq və media azadlığını qorumaq məsuliyyətini vurğulayırıq. Biz siyasi liderlərə qarşı təhdidləri qətiyyətlə pisləyirik.

“Gürcü Arzusu”nun siyasi repressiya kursuna və demokratik geriləmələrə cavab olaraq, Avropa və milli səviyyədə əlaqələrimiz aşağı düşüb, Gürcüstan rəsmiləri ilə yardım və əməkdaşlığımız azalıb". - deyə bəyanatda bildirilir.

Elgiz Məmməd