"İsraillə Türkiyənin strateji maraqlarının tez-tez toqquşduğunu görürük. Suriya məsələsində də Ankara ilə Tel-Əvivin maraqları üst-üstə düşmür. Amma bu fikir ayrılıqlarının yaxın həftələrdə və ya aylarda silahlı toqquşmalara çevriləcəyi heç də inandırıcı görünmür".

Bunu Onews.az-a açıqlamasında siyasi şərhçi Tural Turan deyib.

Ekspertin sözlərinə görə, hazırda Türkiyə və İsrail münasibətlərində müharibəyə istiqamətlənə biləcək kəskin gərilmə yoxdur:

"Doğrudur, yəhudi analitiklər hazırda Türkiyəni İsrailin geostrateji maraqlarının qarşısında əsas maneə hesab edirlər. Buna baxmayaraq, Türkiyə ilə qarşı-qarşıya gəlmək İsrail dövlətinin intiharına səbəb olacaq. Çünki Türkiyə Ordusu NATO-da ikinci yerə sahib ən qüdrətli silahlı qüvvədir. Sadəcə ABŞ-dan geri qalır. Üstəlik, İsraillə savaş başlayarsa, Pakistanla Azərbaycan da Türkiyənin yanında yer alacaq. İran da Türkiyəyə kənardan dəstək verə bilər. Bunu isə nəinki ABŞ və Qərb koalisiyası, heç İsrailin özü də arzulamır. Ona görə də belə bir savaş ssenarisi ən azından, indiki dönəmdə real deyil".

Fuad Süleyman