"Bu ildən etibarən Tbilisi öz saatlarını Kremlin saatları ilə eyniləşdirəcək. Fransanın Gürcüstandakı əsas "siyasi minası", keçmiş prezident Salome Zurabişvilinin gedişindən sonra Bidzina İvanişvilinin dirijorluğundakı "Gürcü arzusu" Moskva ilə daha da yaxınlaşmağa çalışacaq".

Bunu Onews.az-a açıqlamasında siyasi şərhçi Tural Turan deyib.

Ekspertin sözlərinə görə, indi Gürcüstandakı Qərb sevdalıları meydandan tamamilə çəkiliblər və söz İraqli Kobaxidze hakimiyyətinindir:

"Gürcü hökuməti isə Rusiya ilə münasibətləri neytrallaşdırmağa çalışır. Əsas məqsəd Abxaziya və Cənubi Osetiya məsələlərində irəliləyişə nail olmaqdır. Əgər bu baş verməsə, o zaman Qərbpərəstlər daha hiddətli və daha istəkli şəkildə Tbilisidəki parlament binasının önündə görünəcəklər. O zaman İvanişvilinin siyasi karyerası da Gürcüstanda birdəfəlik başa çatacaq. Hələlik Tbilisidə bütün saatlar Kremlə işləyir".

Elgiz