"Qərb Rusiyaya qarşı Gürcüstan üzərindən ikinci cəbhəni açmaq istəyir. Əgər bu baş verərsə və Tbilisi Qərbin istəkləri ilə oturub-durmağa başlayarsa, o zaman Gürcüstan adlı dövlətin mövcudluğu tarixin tozlu arxivinə yuvarlanaraq".

Bunu Onews.az-a açıqlamasında keçmiş millət vəkili, politoloq Sona Əliyeva deyib.

Keçmiş millət vəkili bildirib ki, Bidzina İvanişvili amili var olduqca Avropa Gürcüstanı "narıncı cəhənnəm"ə çevirə bilməyəcək:

"Qərb Tbilisidə İrəvandakı qədər güclü rıçaqlara malik deyil. Keçmiş prezident Mixail Saakaşvilinin həbsindən sonra Avropanın dayaqları Gürcüstanda əməlli-başlı sarsılıb. Hazırda Qərb dairələri Gürcüstan və Moldova üzərindən Rusiyaya qarşı ikinci cəbhəni açmaq istəyir. Əgər bu reallaşarsa, regionun digər ölkələri də ziyan görəcək. Beynəlxalq layihələrin icrası iflic vəziyyətə düşəcək. Ona görə də, Tbilisi Kremlə qarşı addımlar atarkən yüz ölçüb bir biçməlidir. Hazırkı Gürcüstan hökuməti mümkün qədər Qərbin istəkləri qarşısında manevrlər etməyə çalışır. Amma Tbilisi Qərblə məsafəli davranmaq da istəmir. Ona görə də şimal-qərb qonşuluğumuzda ictimai-siyasi vəziyyət o qədər də ürəkaçan deyil".

Rauf