İsraillə İran bir-birinə qarşı düşmən mövqedə dayansalar da nədənsə, PKK terrorçuları ilə bağlı məsələlərdə həmişə həmfikir olublar.

Səbəbi aydındır, ortada türk və Türkiyə amili var.

Yayılan iddialara görə, yaxın vaxtlarda İsrailin hazırkı hakimiyyəti PKK yaraqlıları ilə rəsmi müttəfiqlik haqqında qərar qəbul edəcəklər.

Bu barədə ilk məlumatı dünyaca məşhur yəhudi iş adamı Matt Cookson açıqlayıb.

"Cookson Communications"-ın həmtəsisçisinin iddialarına görə, PKK-nın silah-sursat və geyim təchizatını bundan sonra yarımaçıq formada İsrail tərəfi qarşılayacaq.

Hətta Amerika Birləşmiş Ştatlarındakı yəhudi lobbisi də PKK-İsrail əməkdaşlığına "hə" deyib.

Özü də bu dəstək PKK-nın yalnız Suriya hissəsindəki bölmələrinə veriləcək və İran ərazilərindəki PJAK terrorçuları bu yardımlardan məhrum qalacaq.

İddialara görə, PKK-nın əsas legitim qrupu kimi məhz Suriyadakı yaraqlılar hesab olunacaq.

Bundan başqa, Suriyadakı kürd kökənli terrorçuların "azadlıq və müstəqil dövlət haqqları"nın İsrail tərəfindən tanınacağı da iddia edilir.

Bütün bunlar onu deməyə əsas verir ki, məsələ PKK deyil, onun özəyində Türkiyə düşmənçiliyi dayanır.

Görünür, Türkiyə prezidenti Ərdoğanın Yaxın Şərq siyasəti, ümumiyyətlə, Türkiyə Respublikasının varlığı İsrail və yəhudilər üçün əsl "başağrısına" çevrilib.

Amma Türkiyə böyük dövlətdir, indi müdafiə yox, hücum diplomatiyası yürüdür.

Ankara və Bakı türk düşmənçiliyinə qarşı bütün oyunların hamısını pozacaq və türklüyə qarşı tələ quranların özü bu pusuya salınacaq.


Onews.az-ın Siyasət Şöbəsi