İsrail bütün hərbi hədəflərinə çatacaq, tam qələbə qazanacaq və radikal Fələstin hərəkatı HAMAS-ı məhv edəcək.

Onews.az xəbər verir ki, bu barədə İsrailin Baş naziri Benyamin Netanyahu ölkənin Hərbi Hava Qüvvələrinin Ramon aviabazasına səfəri zamanı lentə aldığı videomüraciətində bildirib.

Netanyahu bəyan edib ki, mübarizəni davam etdirəcək: “Fəaliyyətimizi bütün hərbi məqsədlərimizə çatana, tam qələbə əldə edənə qədər davam etdirəcəyik. Əsas məqsədimizə çatacağıq, HAMAS-ı məhv edəcəyik. Bu məqsədə – HAMAS-ın məhvinə və girovların azad olunmasına – həm hərbi əməliyyatlar, həm də danışıqlar yolu ilə çalışırıq. Bununla yanaşı, hər iki istiqamətdə – istər hərbi əməliyyatlar, istərsə də danışıqlar zamanı – İsrail Qəzza sektoruna minimal zəruri humanitar yardımın təmin olunması uğrunda da çalışır”.