Bakı və Abşeron yarımadasında mayın 24-də axşamdan mayın 26-da axşamadək fasilələrlə yağış yağacağı gözlənilir.

Bu barədə Onews.az-a Milli Meteorologiya xidmətindən bildirilib.

Qeyd edilib ki, axşam yarımadanın bəzi yerlərində qısamüddətli intensivləşəcəyi ehtimalı var. Mayın 25-də günün birinci yarısında şimal küləyinin sürətinin arabir 15-20 m/san-dək güclənəcəyi gözlənilir.

Azərbaycanın rayonlarında mayın 24-də gündüzdən mayın 27-dək bəzi yerlərdə arabir yağıntılı olacağı gözlənilir. Ayrı-ayrı yerlərdə (Naxçıvan MR, Qarabağ və Şərqi Zəngəzur, Qazax-Gəncə, Balakən-Şəki, Quba-Qusar, Dağlıq Şirvan, Mərkəzi Aran, Lənkəran-Astara) yağıntıların leysan xarakterli intensiv olacağı, şimşək çaxacağı, dolu düşəcəyi, dağlıq ərazilərdə qar yağacağı ehtimalı var.

Mayın 25-dən 26-da gündüzədək şərq küləyinin sürətinin 15-20 m/san, ayrı-ayrı yerlərdə arabir 23-28 m/san-dək güclənəcəyi gözlənilir.

Çaylarda, o cümlədən Kür, Araz, Qanıx və Qabırrı çaylarında sululuğun artacağı, Böyük və Kiçik Qafqazın, Lənkəran-Astara bölgəsinin ərazisindən axan bəzi çaylardan qısamüddətli daşqın və sel keçəcəyi gözlənilir.

Rauf