Onews.az xəbər verir ki, iyunun 6-da Abşeron rayonu Masazır kənd 3 nömrəli tam orta məktəbdə Azərbaycan Yazıçılar Birliyinin üzvü, Prezident təqaüdçüsü, yazıçı Çinarə Ömrayın təşəbbüsü və ssenari müəllifliyi ilə çəkilmiş ikinci Qarabağ şəhidi, baş leytenant Vüsal Kazımovun həyat və döyüş yolundan bəhs edən “Vüsal hicrandan acıymış” adlı sənədli filmi nümayiş olunub.

Məktəb kollektivinin iştirakı ilə baş tutan tədbirdə məktəbin direktoru Gülnarə Allahverdiyeva çıxış edərək Qarabağ şəhidlərindən, eyni zamanda tarixin şanlı səhifələrindən fəxrlə danışıb, söz açıb.

Daha sonra filmin ssenari müəllifi, yazıçı Çinarə Ömray, şəhidin bacısı Röyalə müəllimə, Azərbaycan Yazıçılar Birliyinin üzvü, Prezident təqaüdçüsü, şair Emil Rasimoğlu çıxış edərək öz fikirlərini bölüşüb, dəyər və diqqətə görə məktəb kollektivinə təşəkkürlərini bildirib.